真真假假
今日好想同大家討論一個問題 :
俗語有云:酒後吐真言, 究竟酒後係咪真係會吐真言呢,定係酒醉三分醒,都仲可以知道自己講咩,用嚟借酒行兇呢?? 一個人飲醉咗,又或者飲多咗嘅時候,所講嘅嘢究竟可唔可以信呢??有啲人就話人飲醉咗,都唔知,或者唔記得自己做過啲咩,所以講嘅嘢根本唔可信,第二日瞓醒就當咩事都冇!!但又有人話,飲咗酒之後,可以壯膽,所以講嘅嘢會係心底話!!咁其實係啲人真係唔記得自己做過嘅嘢,定係其實記得但係就扮唔記得,想唔認,就用飲醉咗嚟做藉口,當咩事都冇發生過!!咁大家對呢個話題有咩睇法呢,究竟當一個人飲咗酒之後所講嘅嘢可唔可以相信呢?? 歡迎大家留個言,討論一吓,同解答一吓小妹呢個疑問~~~
posted by 小森 @ 1:03 AM
12 Comments:
原來你對酒是這麼熱情呢... 其實你所說的也沒有錯, 問題就是在於以下2點:
1) 飲酒的份量多或少
2) 個人的酒量不一
當你由清醒, 飲到暈暈地, 再飲到不受控制, 之後再飲到瞓左係到, 都算是3個階段:
a) 暈暈地: 膽開始大了
b) 不控制: 心情開始失控
c) 瞓係到: 腦子已經停頓
所以每進入一階段, 可信程度便減少. 這希望幫到你, 又或者給你一些理解, 你覺得對嗎?
網上的我... 一直都在估小森的年齡, 在字眼上看到最多係22, 不知對否?
多謝samuel嘅解說,你幫啲唔方便留言嘅人答埋~~其實你所講嘅嘢我都知,所以只可以總括講一句-- " 因人而矣" ~~~ (一個好general嘅答案)
而你估嘅答案~~不遠矣!不遠矣!
哈哈... 不遠矣??? 有什麼人唔方便留言呀? 是否又係跟酒有關? 點解我時常在估東西.
唔方便留言嘅人就梗係成日都會遇到呢件事嘅人啦(即係成日飲醉)~~估吓嘢咪幾好,可以用吓個腦,如果唔係就會提早有"老人痴呆"架啦~~
再估落去, 就會跟某blog的"以為"有關... 其實「估」又是否等同「以為」???
如對山姆所講o既 "某blog" 唔係太清楚, 可點選 here
車~~["我不是"nefuis]好硬銷呀~~仲係幫"人"嘅添~~~too bad~~~~係我個blog到sell嘢??有冇徵詢我嘅同意先~~~今次就免費同你做一次宣傳啦~~~
我諗…因為酒精既麻醉而衝破左自己心埋關口…
至於你話以飲醉做藉口，我自己就唔係咁信，如果真係飲醉唔係應該訓交咩，可能我自己係咁啦…
醉極，都總有三分醒…
你所講嘅,就係我想帶出嘅問題啦~~咁究竟係真真定假假呢~~~???
這個真真假假問題, 其實就是人的本質問題, 有些人在正常下都講大話啦, 交朋友就是這麼樣, 自己睇清楚啦. 又係那句: 凡事無絕對, 我o地又唔係電腦, 不是用什麼程式寫出來, 所以人就是人. 酒醉三分醒的意思, 我會認為係... 三分醒==平時的話
都係嘅~~~真係好睇毎個人嘅本質,所以最後呢個問題都係無答案,因為人性係變幻莫測嘅~~大家都係"小森"啲啦~~~
Post a Comment
<< Home