小森下廚
今晚去咗一個朋友屋企玩煮飯仔,小妹都好耐冇下廚啦,煮咗3味家常小菜--1)蕃茄肉碎炒蛋,2)香煎蒜茸雞翼,3)蒜茸炒椰菜...幸好,水準依然,2位朋友仔都食都津津有味,平時唔添飯嘅,今晚都走去食多碗,真係一大安慰,對於自己嘅廚藝信心有進一大步啦~~確實小妹都幾鍾意下廚,除咗鍾意個過程之外,其實小妹係最鍾意見到食到我煮嘅嘢嘅毎一個人,都食到津津有味,一件不漏,而又開開心心,呢個先係最大嘅成功感!!
係呢個時候,就另我諗起係上2個星期,無線電視嘅綜藝節目--美女廚房,吳雨霏(Kary)可以係電視城放火呢一幕,真係無得頂!火勢越來越大,但佢就淨係企咗係到望住問點解會咁(但記住成件事係佢搞出嚟架喎!),點解佢唔嘗試吓去熄咗個爐,再搵啲水去救熄個火呢??真係奇怪~~都係煮嘢食啫,唔係玩雜技呢~~~所以各位朋友家居意外真係唔可以忽視呀~~~小森!!小森!!
posted by 小森 @ 1:44 AM
7 Comments:
哈哈... 有人問我: 你喜歡估東西, 連男女都未知道, 又怎樣估年齡? Hmmm... 其實在細節中發現一些hints:
1) 小妹
2) 下廚
(所以, 正常估算是女仔. 不過, 又有一些感覺看來不是, 好奇怪!!!)
你啲感覺都算係幾準呀 (係咪好難捉摸呢 0_<)~~差唔多架啦~~有興趣都可以繼續估落去嘅~~~
啊~~山姆~~我想問吓,你有啲咩感覺,覺得我唔係女仔呢~~咁你究竟覺得我係男定女呢~~
Oh my god!!! 就在某些blog的留言中又覺得唔係女仔, 好矛盾 ^_^
你連自己都舉棋不定,咁我好難幫你喎~~~我知有人可以幫到你喎~~但係我都係覺得自己估好啲~~~而且某人會唔會幫你又係另一件事啦~~~~應該係唔可以幫呀~~~自己估先開心架嘛~~加油呀~~
No la... 不是舉棋不定, 只是給人質疑又或者要break my thinking!!! 好似在玩15/16一樣.
咁咪好囉~~~唔駛上電視都有得玩~~~幾好呀~~
Post a Comment
<< Home