飲酒旅行團

星期日相約朋友們去咗南丫島,因為朋友係南丫島有個漁排,所以諗住郊外一日遊!!小妹當日7:30就起身,真係好耐都冇試,返工都唔駛咁早呀~~去到香港仔,8點幾,買啲嘢,食個早餐,就一行10人撘街渡入去南丫島!諗住入到去我哋成班朋友終於可以唔駛淨係夜晚先活動,--飲酒,會正正常常咁做返啲健康啲活動啦~~點知去到整哂嘢,準備完,11點幾就開始"打邊爐"!但大家記住而家係晏晝烈日當空,陽光普照,就已經一路打邊爐一路猜枚飲酒,我呢班朋友真係好勁,無論何時何地都可以飲酒猜枚,真係無得頂!!終於我哋咁樣玩就玩到5點幾,當然中間都有游水,影相!之後再去食南丫島出名嘅海鮮,啲海鮮真係好正,好鮮甜,好味,埋單都只不過係$900(但我哋有12人),真係好抵!!食完個飯都只係7點,出到香港仔,我哋再落返銅鑼灣.呢個時候只係8點,但我哋再去酒吧飲過~~玩到1點幾大家先盡興而歸!朋友們,真係體力無限,好嘢!!!

好瘋狂嘅一日呀~~飲酒飲咗一日, 10個鐘呀,都未試過咁癲架~~不過真係好好玩,好開心,最緊要大家都好投入,好enjoy,成班人去玩最重要係呢樣嘢--氣氛,所以呢個"飲酒旅行團"好成功,相信呢個旅團會繼續搞落去,有興嘅朋友,可以報名架~~我哋好歡迎各界人仕參加架~~~名額有限,欲報從速!!