估領袖

今期呢個blog發生咗一件事,就係無啦啦估起版主來, 呢個遊戲係由一位網友開始,佢突然好想知版主係咩人 (我諗) ,而版主亦都好歡迎網友嘅好奇,所以呢個遊戲就開始咗~~~而亦因為呢個好奇令到版主有一個好特別嘅感覺, 原來版主由文字之中,俾到別人嘅感覺係咁樣~~~感覺都幾得意!!

其實版主一直都好想知道自己係毎一個朋友,又或者係毎一個人嘅心目中係一個點樣嘅人, 係好印象,壞印象,定係冇乜嘢,普普通通一個平凡人呢,係外表上,內裡感覺,樣樣都想知, 因為咁樣可以了解自己多啲,同埋有啲咩唔好嘅嘢都可以改善吓,同警惕吓自己嘛, 另外同時亦都可以令人哋更加了解自己, 唔會俾一啲"表面證供"暪騙到~~所以版主好鍾意玩吓呢啲遊戲, 同討論吓自己, 哈哈哈~~~歡迎各界好友嘅意見提供~~~

真真假假

今日好想同大家討論一個問題 :

俗語有云:酒後吐真言, 究竟酒後係咪真係會吐真言呢,定係酒醉三分醒,都仲可以知道自己講咩,用嚟借酒行兇呢?? 一個人飲醉咗,又或者飲多咗嘅時候,所講嘅嘢究竟可唔可以信呢??有啲人就話人飲醉咗,都唔知,或者唔記得自己做過啲咩,所以講嘅嘢根本唔可信,第二日瞓醒就當咩事都冇!!但又有人話,飲咗酒之後,可以壯膽,所以講嘅嘢會係心底話!!咁其實係啲人真係唔記得自己做過嘅嘢,定係其實記得但係就扮唔記得,想唔認,就用飲醉咗嚟做藉口,當咩事都冇發生過!!咁大家對呢個話題有咩睇法呢,究竟當一個人飲咗酒之後所講嘅嘢可唔可以相信呢?? 歡迎大家留個言,討論一吓,同解答一吓小妹呢個疑問~~~

飲酒旅行團

星期日相約朋友們去咗南丫島,因為朋友係南丫島有個漁排,所以諗住郊外一日遊!!小妹當日7:30就起身,真係好耐都冇試,返工都唔駛咁早呀~~去到香港仔,8點幾,買啲嘢,食個早餐,就一行10人撘街渡入去南丫島!諗住入到去我哋成班朋友終於可以唔駛淨係夜晚先活動,--飲酒,會正正常常咁做返啲健康啲活動啦~~點知去到整哂嘢,準備完,11點幾就開始"打邊爐"!但大家記住而家係晏晝烈日當空,陽光普照,就已經一路打邊爐一路猜枚飲酒,我呢班朋友真係好勁,無論何時何地都可以飲酒猜枚,真係無得頂!!終於我哋咁樣玩就玩到5點幾,當然中間都有游水,影相!之後再去食南丫島出名嘅海鮮,啲海鮮真係好正,好鮮甜,好味,埋單都只不過係$900(但我哋有12人),真係好抵!!食完個飯都只係7點,出到香港仔,我哋再落返銅鑼灣.呢個時候只係8點,但我哋再去酒吧飲過~~玩到1點幾大家先盡興而歸!朋友們,真係體力無限,好嘢!!!

好瘋狂嘅一日呀~~飲酒飲咗一日, 10個鐘呀,都未試過咁癲架~~不過真係好好玩,好開心,最緊要大家都好投入,好enjoy,成班人去玩最重要係呢樣嘢--氣氛,所以呢個"飲酒旅行團"好成功,相信呢個旅團會繼續搞落去,有興嘅朋友,可以報名架~~我哋好歡迎各界人仕參加架~~~名額有限,欲報從速!!

小心車門呀~~

想問吓呢個"公共男洗手間",各位男士又敢唔敢去呢?? 個toilet仲要係有時間限制架喎~~小心去完toilet唔見咗啲嘢呀~~~