新年

話咁快, 一個長假期就完咗, 大家係呢個假期又做咗啲咩呢, 係咪都係四出拜年, 打吓衛生麻雀咁呢??而新年對小妹嚟講係一個最悶嘅節日, 因為小妹係唔駛去拜年, 但小妹大部份嘅朋友都係要周圍去拜年, 所以毎日想搵人出街時,都要等佢哋完成佢哋當日嘅任務先可以出嚟~~~但其實小妹係好羡慕可以周圍去拜年嘅朋友, 你哋可能會覺得 "唔係嘛", 不過係真架, 小妹都知拜年係好攰, 周圍走又好似唔知為乜咁, 但小妹覺得係一件好開心嘅事, 又熱鬧, 咁先有新年氣氛, 而好耐冇見嘅親朋好友, 又可以係呢個時候聚一聚, 聯絡吓大家嘅感情, 幾好呀~~~係呢到同大家拜個(遲)年, 恭喜發財, 祝大家步步高陞, 財源滾滾, 心想事成, 開開心心....下刪100字....新年快樂 !!