北上公幹

前幾日,終於發生咗小妹最討厭嘅事,就係要北上, 為嘅係"公幹", 我嘅第一次公幹就奉獻咗俾佛山呢個地方, 我哋行程其實都幾緊密,我哋要即日來回 , 要去視察3個廠房,但我哋嘅目標係希望5點可以完成整個行程,難度都唔算高! 但係要知道,我哋係從陸路去,所以我哋淨係由深圳去佛山嘅車程都已經係2個半鐘,一來一回已經係要5個鐘(真係想死)!但係好不幸, 我哋係回程嘅時候, 遇上塞車, 而塞車嘅原因係高速公路上面發生車禍!! 仲要係嚴重5車連環相撞嗰種, 真係勁灰, 成條車龍真係可以唔郁架~~最後我哋係架旅遊大巴上面屈咗4個半鐘, 成個人都硬咗~~而到達深圳嘅時候已經係夜晚嘅11:00(你要知道我哋撘嘅嗰班車係6:15), 飯又未食, 搞到好似要落難街頭咁~~真係為乜呢!! 可以話係難忘嘅第一次公幹呀!!

另外,我仲有一樣想講吓, 就係國內嘅交通狀況, 我相大家對於呢方面都唔陌生, 真係要幾誇張有幾誇張, 要幾危險有多危險, 同一條行車線可以有2架唔同方向嘅車(其中一架係小妹坐緊嘅車)!係條好繁忙嘅馬路到,你可以去截對面線嘅的士而又唔洗自己行過去, 因為佢會打橫咁cut 2條行車線咁駛到去你面前,真係幾方便都有!! 仲有係啲單程小路到, 有車迎面駛埋嚟, 是但一邊諗住停低, 騰出少少空位讓對方方過先, 但你會發現駛出嚟嘅會係另一架車(係排喺對方後面嘅另一架車),真係莫名其妙!!同埋係馬路上,我發覺所有人都係聾架,無論係行人定係司機, 因為我見司機一路開車,就一路係咁響"安", 但係佢前面嘅無論係車,單車定係行人,都當聽唔到,若無其事咁繼續行佢哋嘅路,真係好嘢架!! 仲有其他不能盡錄~~~所以話啫, 係國內嘅交通網絡到,真係你想點就點呀!! 勁 !!

三角誌

忽然諗起呢首舊歌 ~~~

三角誌
作曲:雷頌德
填詞:黃偉文
主唱:盧巧音

沒有這件事 妨礙我們
難道我和你 又會一樣
就算不是她 也有問題吧
早該分開 不該怪她

即使跟蹤你 來臨案發現場
牢牢看守著你 提防你搭上這一個她
下佪她 都會趁我看不到誘惑你
明白如你要這樣易變心 哪到我害怕

就算她 跟你有段情
我也為你高興 用第三者身份見證
最不可靠是愛情 我們無人能得勝 再溫馨
仍不夠耐性 捱得到第四者 煞風景

當初喜歡你 其時你有別人
完全都因為我 才完結過去抛低了她
下個她 不過接替我當天那位置
情外情 轉了對象 別要太驚訝

沒有她 都會有別人
你我避不免不過 混亂間將彼此錯過
有幾多故事最後 愛人仍然同一個 看清楚
誰都背叛過 誰亦曾被騙過

不知道 伴侶再換就更好
還是越來越退步 能讓路還是再睹
就算再三上訴 你爭我奪投進誰懷抱
誰話愛你註定 好心好報

第四者 跟你有段情
我也為你高興 外遇萬牛燦爛像繁星
可惜那併發症 我們無人能得勝 再溫馨
仍不夠耐性 捱得到第五者 煞風景