心情

呢排小妹嘅心情確實麻麻, 首先係覺得人情冷暖, 事因今年小妹搞大壽, 而當中能夠出席嘅"朋友"真係少之有少, 令小妹好失望, 而係搞嘅過程之中, 有多多意見,美其名"你生日,你話事啦", 但當小妹定出所有嘅時間, 人物, 地點嘅時候, 往往換嚟嘅就係反對嘅聲音, 唔係唔鍾意個地點, 就係覺得收費太貴, 順得哥情就失嫂意, 咁試問你仲叫小妹點"話事"呢!! 到事成嘅時候, 就得小貓三,四隻, 真係大失所望呀~~

而另外嘅就係小妹嘅一啲私事, 亦都係最困擾小妹嘅, 小妹真係好想去解決問題, 但最無奈嘅係我處於被動位置, 我要做嘅同可以做嘅我都做咗, 對方唔接受我嘅方法, 咁小妹咪用另一個方法, 但問題依然係解決唔到, 因為對方唔肯去行佢自己嗰步, 對住啲賴皮嘅人, 除咗鬥賴皮之外, 仲可以有啲咩方法對付, 令佢去正視問題嘅存在呢~~~好痛苦呢~~~!!

仲有小妹嘅旅行大計, 好難可以係今年內實行到, 首先老闆放產假前, 我未計劃到我嘅大假, 所以我要到明年2月先可以再攞假, 第二, 我搵唔到我嘅"旅伴", 一個好嘅"旅伴"一啲都唔易搵, 所以呢~~仲要見到隔離blog去日本,鬼死咁開心, 真係妒忌死人咩~~~跟住連手信都唔買, 實在太過份啦~~~

有喜

大家見到呢個題目嘅時候,千祈唔好以為係我有喜呀~~我邊到有咁嘅能力呀~~時間尚早~~~

有喜(訊)嘅係我一位朋友, 佢會係呢緊嘅星期四擺酒結婚, 係到都恭喜佢一聲先 ! 又多對老襯啦!!
毎一次見到人哋搞婚禮,都會覺得好開心, 由其是見到一對新人宣誓嘅時候,係嗰一刻都會相信誓詞裡面所講嘅嘢,婚姻係一世嘅事, 但當喜慶過後, 再抽身出嚟睇返, 其實都只不過係一紙婚書, 對人嘅所謂約束力並冇我哋想像中咁大, 更何況係而家呢個年代呢~~~如果一對戀人, 真係可以一世嘅話, 根本有冇呢張婚並唔重要, 因為去維繫住2個人嘅並唔係一張紙咁簡單, 淨係平時同人相處之道, 已經係一門好高深嘅學問, 而要對住同一個人一世而又要相處融洽, 更加係一件好困難嘅事~~~當然2個人相處最緊要係坦白同信任, 老套; 但係事實, 咩都攞出嚟講,有商有量, 咁樣一段關係先可以長久!!

突然呢到變咗愛情專欄 !! 好啦, 今次為大家update住咁多先啦~~後會有期呀~~~

斷絕聯絡

各界好友,小妹返嚟啦~~小妹近日實咗太忙,所以冇時間為大家送上我嘅最新消息,真係唔好意思啦!!

好 !! 入正題~~ 小妹係呢2個星期裡面,終於感受到咩叫與外間斷絕聯絡,因為以往小妹係公司係可以上網,同網上嘅朋友們傾吓計,溝通吓,但因為公司嘅政策關係,係2個禮拜前,小妹係公司就冇得上網,真係好慘,係初頭嘅嗰幾日,簡直生不如死,而家終於習慣咗,但係就同大家嘅接觸少咗好多,唉~~呢種生活真係有排捱呀~~關心我嘅朋友們,唯有係呢到了解我嘅"近況"啦~~~